Ішкі нарықтағы бағаларды тұрақтандыру және нарықты азық-түлік өнімдерімен молықтыру мақсатында «Жетісу» ӘКК» ӨДИ» АҚ (бұдан әрі – ӘКК) «Халықты әлеуметтік маңызы бар азық-түлік тауарларымен қамтамасыз ету үшін Талдықорған қаласында 7 әлеуметтік павильон салу» бірлескен жобасын (бұдан әрі – Жоба) іске асыруға әлеуетті серіктестерден өтінімдер қабылдайтынын хабарлайды.
Жоба бірлескен қызмет туралы шарт негізінде әлеуметтік павильондарды бірлескен қызмет нысанында (заңды тұлға құрмай) ұзақ мерзімге беру арқылы іске асырылады.
- Павильондар 7 лотқа бөлінген. Әлеуетті серіктестер мынадай лоттар бойынша өтінім бере алады:
| Лот | Ауданы | Мақсаты / Жабдықталуы | Орналасқан жері |
| № 1 лот | 37,8 м² | Әмбебап (сөрелер) | Жұлдыз шағынауданы («Hyundai» автосалонына қарама-қарсы) |
| № 2 лот | 37,8 м² | Әмбебап (сөрелер) | Еркін ауылы (Ащыбұлақ көшесі, 48) |
| № 3 лот | 37,8 м² | Әмбебап (сөрелер) | Береке тұрғын алабы (стадионның жанында) |
| № 4 лот | 37,8 м² | Әмбебап (сөрелер) | Көктем шағынауданы, 20 |
| № 5 лот | 37,8 м² | Әмбебап (сөрелер) | Бірлік шағынауданы, № 11 үйдің жанында |
| № 6 лот | 29,4 м² | Ет өнімдері (жабдық) | Жұлдыз шағынауданы («Hyundai» автосалонына қарама-қарсы) |
| № 7 лот | 29,4 м² | Ет өнімдері (жабдық) | Уәлиханов көшесі мен Рақышев көшесінің қиылысы («Мәртебе» медициналық орталығына қарама-қарсы) |
2. Серіктес үшін бірлескен қызметтің шарттары:
- ӘКК әлеуметтік павильондарды басқаруға береді;
- берілетін мүлік ӘКК балансында қалады.
2.1. Серіктестер мыналарға міндеттенеді:
- өңірлік тұрақтандыру қорының әлеуметтік маңызы бар азық-түлік тауарларының (бұдан әрі – ӘМАТ), сондай-ақ «айналым схемасы» шеңберінде жеңілдікті қарыздар алған өндірушілердің тауарларының сатылымда тұрақты түрде болуын қамтамасыз етуге. Аталған ӘМАТ ӘКК ұсынымына сәйкес, сатып алу бағасына қосылатын белгіленген мөлшердегі сауда үстемесі сақтала отырып өткізіледі. Бұл ретте Серіктестер «үй жанындағы дүкен» форматына сәйкес келетін азық-түлік және коммерциялық тауарлардың кең ассортиментін өткізуге құқылы;
- әлеуметтік павильондарда жергілікті тауар өндірушілердің азық-түлік өнімдерін өткізуге басымдық беруге;
- берілген мүліктің толық сақталуын қамтамасыз етуге және оны тиісінше күтіп-ұстау мен пайдалануға байланысты барлық шығыстарды көтеруге;
- ӘМАТ-ты өткізу жөніндегі деректерді «Тауарларды қадағалаудың ұлттық жүйесі» ақпараттық жүйесіне енгізуге;
- халықтың әлеуметтік осал топтарына атаулы қолдау көрсетуді қамтамасыз ету мақсатында «Әлеуметтік әмиян» жобасын іске асыруға қатысуға және оған қажетті техникалық мүмкіндікті қамтамасыз етуге (оның ішінде әлеуметтік карталармен / QR-кодтар арқылы төлемдерді қабылдауға).
3. Мүлік құнын өтеу шарттары мен кестесі (10 жыл ішінде): Серіктестер берілген мүліктің құнын, сондай-ақ жөндеу және жабдық сатып алу шығыстарын ӘКК-ге мынадай шарттармен өтеуге міндеттенеді:
№ 1–5 лоттар бойынша серіктестер үшін (5 павильон) – 10 жыл бойы ай сайын 1 000 000 теңге шегінде (әр павильон үшін 200 000 теңгеден);
№ 6–7 лоттар бойынша серіктестер үшін (2 шағын павильон) – 10 жыл бойы ай сайын 282 000 теңге шегінде (әр павильон үшін 141 000 теңгеден).
4. Қатысушыларға қойылатын талаптар және құжаттар тізбесі: Қажетті құжаттар тізбесі және қатысушыларға қойылатын талаптар (кредиттер бойынша мерзімі өткен берешектің, салық берешегінің болмауы, қатысушыларға қатысты банкроттық рәсімдерінің жүргізілмеуі және т.б.) ӘКК-нің жобаларды қарау және іріктеу қағидаларында көрсетілген.
5. Өтінімдерді қабылдау мерзімі мен орны:
Өтінімдер 2026 жылғы 14 қазанды қоса алғанда қабылданады.
Қатысу үшін қажетті құжаттар тізбесі төменде қоса берілген Инвестициялық жобаларды қарау және іріктеу қағидаларында (№ 1 қосымша) көрсетілген.
Алғашқы консультация алу үшін Талдықорған қаласы, Абылай хан көшесі, 113, 4-қабат, 412-кабинет мекенжайына немесе 8 (7282) 32 94 14 (ішкі 219) телефоны арқылы хабарласуға болады.
Қосымша: «Жетісу» ӘКК» ӨДИ» АҚ-ның жобаларды қарау, іріктеу және бекіту қағидалары.