ҚР сауда және интеграция министрлігі халықтың әлеуметтік маңызы бар азық-түлік тауарлары тобына енгізілген негізгі азық-түлік тауарлары бағасының өсуіне қатысты қауіптенуіне байланысты түсініктеме берді. Бұл туралы ведомствоның баспасөз қызметі хабарлады.
“Қазақстан өзін азық-түлік тауарларымен толықтай қамтамасыз етеді. Барлық ӘМАТ бойынша, соның ішінде әлсіздікке тәуелді позициялар (қант, тауық еті, сүзбе) бойынша айтарлықтай қорлар бар. Тұрақтандыру қорларында 27,4 мың тонна әлеуметтік маңызы бар азық-түлік тауарлары сақталуда, оның ішінде: ұн, қант, макарон, күріш және т.б. көкөніс өнімдерін жеткізуге форвардтық келісімшарттар жасалды. Ағымдағы жылғы 24 ақпандағы жағдай бойынша тұрақтандыру қорларында 27,4 мың тонна ӘМАТ сақталады, оның ішінде ұн – 11,5 мың тонна, қант – 3,8 мың тонна, макарон – 1,5 мың тонна, күріш – 0,8 мың тонна және т. б. шамамен 124,5 мың тонна жеткізуге форвардтық шарттар жасалды. оның ішінде картоп жеткізуге – 45,7 мың тонна, пияз – 12,5 мың тонна, сәбіз – 13,2 мың тонна және т.б. сауда желілері Одағының деректері бойынша ритейлерлер әлеуметтік маңызы бар азық-түлік тауарларының қорымен кем дегенде 30 күнге қамтамасыз етілген. Бұл қорлар қол қойылған келісімшарттар есебінен, оның ішінде айналым схемасы шеңберінде қалыптасады. Яғни, тауарлар ең төменгі сауда үстемесімен белгіленген бағамен сатылады. Үйдің жанындағы дүкендерде ӘМАТ бағасының көтерілу фактілері байқалады. Олар көтерме сатушылардың азық-түлік тауарларының бағасын алыпсатарлық арттыру жағдайларымен байланысты. Алыпсатарлықтың алдын алу үшін әкімдіктер қазір сауда қатысушыларымен жұмыс жүргізуде”, – делінген сауда министрлігінің хабарламасында.
Ведомствоның мәліметінше, сауда үстемелері мен ретро-бонустарға әкімшілік ету мен мемлекеттік бақылауды күшейту, сондай-ақ шекті бағаларды уақтылы енгізу арқылы бағаның өсуіне жол бермеу бойынша жұмыс жалғасуда.
Әкімдіктер тарапынан 15% – дан аспайтын мөлшерде сауда үстемесі мөлшерінің сақталуына және сауда желілерінің сыйақы алуына жол бермеуге күшейтілген мониторинг пен бақылау жүргізіледі.
Осы бағыт бойынша әрбір сауда нүктесін бақылау үшін жұртшылық тартылады.
Апта сайын Премьер-министрдің төрағалық етуімен цифрлық үкімет офисінің жұмысы шеңберінде әрбір өңір бойынша тауарлар бөлінісінде ахуал қаралады және өсуді тұрақтандыру және болдырмау бойынша жедел шаралар қабылданады
“Азық-түлік тауарларының негізгі түрлерінің нақты және бағалық қолжетімділігін қамтамасыз ету үшін Ауыл шаруашылығы министрлігі ішкі нарықты отандық өндіріс тауарларымен толықтыру бойынша жоспарлы жұмыс жүргізіп жатқанын хабарлаймыз. Елдің азық-түлік қауіпсіздігін қамтамасыз ету бойынша 2024 жылға дейінгі жоспар әзірленді. Осы жоспарды іске асыру қорытындылары бойынша өз өндірісі есебінен ішкі тұтынуды 100% қамтамасыз етуге қол жеткізу жоспарланып отыр. (Қазіргі уақытта қант, тауық еті, сүзбе сияқты тауар түрлері бойынша импортқа тәуелділік байқалады)”, – деп толықтырды сауда министрлігі.